Þarf fréttin að vera svona?

Eins og það sé ekki nógu erfitt að fara til lögreglunnar og tilkynna atburð sem þennan heldur þarf stúlkan líka að lesa um þetta á mbl.

Hefði ekki bara verið nóg að segja 4 tilkynningar um nauðganir voru um verslunarmannahelgina? Þarf að skilgreina það frekar hvar þær voru til að auðveldara sé að komast að því hver manneskjan er. Þetta er eins og að setja eitt stórt N (fyrir nauðgun) á ennið á þeim fyrir að hafa sagt frá.

Nauðgun á Kirkjubæjarklaustri

Athugasemdir

[Birna Jensdóttir, 3.8.2009 kl. 13:37]

Mér finnst bara allt í lagi að segja hvar svonalagað hendir konur,en mér finnst líka allt í lagi að birta nafnið á aumingjanum sem aðhefst svonalagað.Nauðgun  morð.

[Meðal kona, 3.8.2009 kl. 14:15]

Svona getur komið fyrir hvar sem er.... ekki bara á Kirkjubæjarklaustri, svo að mínu mati er um of nákvæmar upplýsingar að ræða miðað við erfið mál og viðkvæm.

[Bragi Þór Valsson (IP-tala skráð) 3.8.2009 kl. 15:00]

Birna - það er nú ekki enn búið að dæma manninn.  Ef þeir birta nafnið á meintum geranda hlytu þeir líka að birta nafn meints fórnarlambs.  Fyndist þér það í lagi?

[Hrafn Arnarson (IP-tala skráð) 3.8.2009 kl. 22:06]

Fréttin er afar sérkennileg og ótrúlegt hversu miklu er hægt að klúðra í stuttri frétt .Við getum ekki vitað að um nauðgun var að ræða . Þess vegna er fyrirsögnin röng . Lögreglu er ekki tilkynnt um nauðgun heldur hugsanlega líkamsárás eða meinta nauðgun . Staðurinn ersvo lítill og samkoman fámenn að það er tiltölulega auðvelt fyrir hvern sem er að komast að því um hverja er að ræða . Gleymum ekki að nauðgun er skelfilegur glæpur en upplogin ákæra er beitt vopn .